Áttu ekki örugglega árskort?

Erró

Kjarval

Ásmundur Sveinsson

Safneign

Bernd Koberling er þýskur málari fæddur árið 1938 og búsettur í Berlín. Tengsl hans við Ísland eru mjög sterk en í tæpan aldarfjórðung hefur hann dvalið reglulega á Íslandi ekki aðeins til að vinna að list sinni, heldur einnig til að veiða á stöng, kynnast íslenskum listamönnum, njóta náttúrunnar og fræðast um íslenskar bókmenntir, sem hann hefur síðan stutt dyggilega og haldið fram í heimalandi sínu. Eftir langdvalir hér á hann stóran hóp vina um allt land og þann 12. janúar 2002 opnaði hann stóra sýningu á olíu- og vatrnslitamyndum í Hafnarhúsinu.Þýski listamaðurinn Bernd Koberling opnaði stóra sýningu 12. janúar 2002 á olíu- og vatnslitamyndum sem hann hefur unnið frá árinu 1988, m.a. hér á landi. Sýningin kom hingað frá Malmö Konsthall í Svíþjóð, sem Bera Nordal veitir forstöðu og fór héðan til Saarbrucken í Þýskalandi.Bernd Koberling er þýskur málari fæddur árið 1938 og búsettur í Berlín. Tengsl hans við Ísland eru mjög sterk en í tæpan aldarfjórðung hefur hann dvalið reglulega á Íslandi ekki aðeins til að vinna að list sinni, heldur einnig til að veiða á stöng, kynnast íslenskum listamönnum, njóta náttúrunnar og fræðast um íslenskar bókmenntir, sem hann hefur síðan stutt dyggilega og haldið fram í heimalandi sínu. Eftir langdvalir hér á hann stóran hóp vina um allt land en þetta er í fyrsta sinn sem Bernd Koberling heldur einkasýningu á Íslandi.Um listsköpun Bernd Koberling segir Bera Nordal m.a. í sýningarskrá sem gefin er út í tilefni sýningarinnar. ,,Fyrstu verk hans sýna mjög tilfinningaþrungna nálgun við náttúruna í formi hinnar ósnortnu og mikilfenglegu víðáttu norðursins. Smám saman breytis viðhorf hans til náttúrunnar. Hann er ekki lengu að horfa á náttúruna utan frá en er í staðinn orðinn hluti hennar, sjáandi og túlkandi hana innan frá náttúrunni sjálfri. En um leið fylgist hann með hinni þöglu og sífelldu eyðileggingu mannsins á náttúrunni. Hversu grimmilega við breytum henni til að hún líti út eins og við viljum hafa hana í stað þess að leitast við að vera í samræmi við hana. Þetta hefur leitt til þess að það hefur orðið umbreyting á innihaldi síðari verka hans sem hafa í auknu mæli orðið að myndlíkingum um náttúruna, hugmyndina um náttúruna fremur en að lýsa henni. Þau hafa síðan þróast í þá átt að fjalla meira og meira um eðli málverksins.